ਪੂਰੀ ਦੁਨੀਆਂ ਵਿੱਚ ਵਸਦੀ ਸਿੱਖ ਸੰਗਤ ਦੀ ਜਾਣਕਾਰੀ ਹਿੱਤ ਇਹ ਵੈਬਸਾਈਟ ਤਿਆਰ ਕੀਤੀ ਹੈ ਤਾਂ ਕਿ ਸਿੱਖ ਸੰਗਤ ਦਾ ਹਰ ਮੈਂਬਰ, ਚਾਹੇ ਓਹ ਦੁਨੀਆਂ ਦੇ ਕਿਸੇ ਵੀ ਹਿੱਸੇ ਵਿੱਚ ਬੈਠਾ ਹੋਵੇ, ਲਈ ਅਸਾਨ ਹੋਵੇ ਤੇ ਓਹ ਜਾਣਕਾਰੀ ਹਾਸਲ ਕਰ ਸਕਣ।

ਇਸ ਵੈਬਸਾਈਟ ਵਿੱਚ ਅਸੀਂ ਗੁਰਦਵਾਰਾ ਸਾਹਿਬ ਨਾਨਕ ਦਰਬਾਰ ਡੰਕਨ ਸਾਊਥ ਕੈਰੋਲੀਨਾ ਅਮਰੀਕਾ ਦੀ ਪ੍ਰਬੰਧਕ ਕਮੇਟੀ ਤੇ ਓਹਨਾ ਦੇ ਪਾਲਤੂ ਗੁੰਡਾ ਗਰੋਹ ਅਤੇ ਓਹਨਾ ਨਾਲ ਸੰਬੰਧਤ ਸ਼ਰਾਬੀ ਟੋਲੇ ਜਿੰਨਾਂ ਨੇ ਗੁਰਦਵਾਰਾ ਸਾਹਿਬ ਦੇ ਲੰਗਰ ਹਾਲ ਵਿੱਚੋਂ ਕਿਵੇਂ ਸ਼ਹੀਦਾਂ ਦੀਆਂ ਤਸਵੀਰਾਂ ਪੁਲੀਸ ਦੀ ਮੱਦਦ ਨਾਲ ਲਾਹੀਆਂ, ਕਿਵੇਂ ਗੁਰਦਵਾਰਾ ਸਾਹਿਬ ਕਮੇਟੀ ਦੇ ਸੈਕਟਰੀ ਨੇ ਵੀਹਵੀਂ ਸਦੀ ਦੇ ਮਹਾਨ ਸਿੱਖ ਸੰਤ ਜਰਨੈਲ ਸਿੰਘ ਹੋਰਾਂ ਨੂੰ ਅਤਿ ਗੰਦੀਆਂ ਗਾਲਾਂ ਕੱਢ ਕੇ ਲੋਕਾਂ ਨੂੰ ਮੈਸਿਜ ਭੇਜੇ, ਕਿਵੇਂ ਗੁਰਦਵਾਰਾ ਸਾਹਿਬ ਕਮੇਟੀ ਮੈਂਬਰ ਨੇ ਸਿੱਖ ਸੰਗਤ ਸਮੇਤ ਮਾਈਨਰ ਬੱਚਿਆਂ ਜਦੋਂ ਓਹ ਗੁਰਦਵਾਰਾ ਸਾਹਿਬ ਦੇ ਮੁੱਖ ਦਰਵਾਜ਼ੇ ਤੇ ਪਹੁੰਚੇ ਤਾਂ ਨਾ ਸਿਰਫ ਓਹਨਾਂ ਨੂੰ ਗਾਲਾਂ ਕੱਢੀਆਂ ਸਗੋਂ ਗੁਰਦਵਾਰਾ ਸਾਹਿਬ ਵਿੱਚ ਖੜ੍ਹ ਕੇ ਆਪਣੀ ਪੈਂਟ ਦੀ ਜਿੱਪ ਖੋਲ੍ਹ ਕੇ ਤੋਤੋ ਫੜਲੋ ਦੇ ਇਸ਼ਾਰੇ ਕੀਤੇ, ਕਿਵੇਂ ਗੁਰਦਵਾਰਾ ਸਾਹਿਬ ਦੇ ਗ੍ਰੰਥੀ ਸਿੰਘ ਵੱਲੋਂ ਕਮੇਟੀ ਦੀ ਇਸ ਕਰਤੂਤ ਦਾ ਵਿਰੋਧ ਕਰਨ ਤੇ ਓਹਨਾਂ ਨੂੰ ਗ੍ਰੰਥੀ ਸਿੰਘ ਦੀ ਡਿਊਟੀ ਤੋਂ ਜਬਰੀ ਕੱਢਿਆ, ਕਿਵੇਂ ਕਮੇਟੀ ਵਿੱਚਲੇ ਓਹ ਮੈਂਬਰ ਜਿੰਨ੍ਹਾਂ ਨੇ ਕਮੇਟੀ ਦੀ ਇਸ ਕਰਤੂਤ ਦਾ ਵਿਰੋਧ ਕੀਤਾ ਤਾਂ ਇਹਨਾਂ ਮਸੰਦਾਂ ਨੇ ਓਹਨਾਂ ਕਮੇਟੀ ਮੈਂਬਰਾਂ ਨੂੰ ਵੀ ਕਮੇਟੀ ਵਿੱਚੋਂ ਕੱਢਿਆ, ਸੁਹਿਰਦ ਸੰਗਤ ਦੇ ਮੈਂਬਰ ਜਿੰਨ੍ਹਾਂ ਨੇ ਕਮੇਟੀ ਦੇ ਇਸ ਰਵੱਈਏ ਦਾ ਵਿਰੋਧ ਕੀਤਾ ਨੂੰ ਨਾ ਸਿਰਫ ਗੁਰਦਵਾਰਾ ਸਾਹਿਬ ਦੀ ਵੋਟਰ ਲਿਸਟ ਜਾਂ ਕਹਿ ਲਵੋ ਮੈਂਬਰਸ਼ਿਪ ਤੋਂ ਖਾਰਜ ਕੀਤਾ ਸਗੋਂ ਕਮੇਟੀ ਨੇ ਓਹਨਾਂ ਪਰਿਵਾਰਾਂ ਸਮੇਤ ਨਿੱਕੇ ਬੱਚਿਆਂ ਜਿਹੜੇ ਗੁਰਦਵਾਰਾ ਸਾਹਿਬ ਵਿੱਚ ਅਕਸਰ ਸੇਵਾ ਕਰਦੇ ਰਹੇ ਹਨ ਨੂੰ ਗੁਰਦਵਾਰਾ ਸਾਹਿਬ ਆਉਣ ਤੋਂ ਰੋਕਣ ਲਈ ਓਹਨਾਂ ਉੱਤੇ ਕੋਰਟ ਆਰਡਰ ਲੈ ਕੇ ਰੋਕ ਲਾਈ, ਅਤੇ ਪਿੱਛਲੇ ਦੋ ਸਾਲ ਤੋਂ ਉੱਪਰ ਗੁਰਦਵਾਰਾ ਸਾਹਿਬ ਦੇ ਮੇਨ ਗੇਟ ਤੇ ਹਰ ਐਤਵਾਰ ਪੁਲੀਸ ਦਾ ਪਹਿਰਾ ਲਵਾਇਆ ਜਾਂਦਾ ਹੈ ਤਾਂ ਕਿ ਸੰਗਤ ਨੂੰ ਕਿਸੇ ਵੀ ਹਾਲਤ ਵਿੱਚ ਅੰਦਰ ਨਾ ਆਉਣ ਦਿੱਤਾ ਜਾਵੇ (ਯਾਦ ਰਹੇ ਸਿੱਖ ਸੰਗਤ ਤਾਂ ਗੁਰਦਵਾਰਾ ਸਾਹਿਬ ਦਾਖਲ ਹੋ ਨਹੀਂ ਸਕਦੀ ਪਰ ਓਹਨਾਂ ਨੂੰ ਰੋਕਣ ਵਾਲੀ ਪੁਲੀਸ ਜਿਹੜੀ ਕਮੇਟੀ ਨੇ ਗੋਲਕ ਚੋਂ ਖ਼ਰਚਾ ਕਰਕੇ ਤਾਇਨਾਤ ਕੀਤੀ ਹੈ ਓਹ ਗੁਰਦਵਾਰਾ ਸਾਹਿਬ ਵਿੱਚ ਸਿਗਰਟਾਂ ਵੀ ਪੀ ਸਕਦੀ ਹੈ ਜਿਸਦੇ ਸਬੂਤ ਤਸਵੀਰਾਂ ਤੇ ਵੀਡੀਓ ਰਾਹੀਂ ਅੱਗੇ ਤੁਹਾਨੂੰ ਦੇਖਣ ਨੂੰ ਮਿਲਣਗੇ)। ਕਮੇਟੀ ਨੇ ਸੰਗਤ ਨੂੰ ਰੋਕਣ ਤੋਂ ਇਲਾਵਾ ਸੰਗਤ ਦੇ ਮੈਂਬਰਾਂ ਉੱਪਰ ਗੁਰਦਵਾਰਾ ਆਉਣ ਤੇ ਟਰੈਸਪਾਸਿੰਗ ਦੇ ਚਾਰਜਿਜ ਲਗਵਾ ਕੇ ਓਹਨਾਂ ਨੂੰ ਜੁਰਮਾਨੇ ਵੀ ਕਰਵਾਏ ਹਨ।

ਡੰਕਨ ਸਾਊਥ ਕੈਰੋਲੀਨਾ ਦੀ ਸੰਗਤ ਵੱਲੋਂ ਕਮੇਟੀ ਦੇ ਇਹਨਾਂ ਮਸੰਦਾਂ ਦੀਆਂ ਕਰਤੂਤਾਂ ਦੇ ਖਿਲਾਫ ਅਮਰੀਕਾ ਕਨੇਡਾ ਦੇ 65 ਤੋਂ 70 ਗੁਰਦੁਆਰਾ ਸਾਹਿਬਾਨਾਂ ਦੀਆਂ ਕਮੇਟੀਆਂ ਅਤੇ ਜੱਥੇਬੰਦੀਆਂ ਵੱਲੋਂ ਲਿਖਤੀ ਪੱਤਰ ਦੇ ਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਜੀ ਨੂੰ ਸ਼ਿਕਾਇਤ ਕਰਕੇ ਮੰਗ ਕੀਤੀ ਗਈ ਹੈ ਕਿ ਇਸ ਸਿੱਖ ਵਿਰੋਧੀ, ਸਿੱਖ ਸ਼ਹੀਦਾਂ ਵਿਰੋਧੀ ਕਮੇਟੀ ਦੇ ਮੈਂਬਰਾਂ ਨੂੰ ਪੰਥ ਵਿੱਚੋਂ ਛੇਕ ਦਿੱਤਾ ਜਾਵੇ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਜੀ ਨੇ ਇਸ ਤੇ ਗੌਰ ਕਰਦੇ ਹੋਏ ਅਮਰੀਕਾ ਵਿੱਚੋਂ ਗੁਰਮਤਿ ਧਾਰਨੀ ਸਿੱਖਾਂ ਦੀ ਇੱਕ ਕਮੇਟੀ ਬਣਾਈ। ਓਸ ਕਮੇਟੀ ਨੇ ਇਹਨਾਂ ਮਸੰਦਾਂ ਨੂੰ ਕਈ ਵਾਰ ਮਿਲਣ ਲਈ ਯਤਨ ਕੀਤੇ, ਕਈ ਵਾਰ ਟੈਲੀਫ਼ੋਨ ਤੇ ਗੱਲਬਾਤ ਕਰਨ ਦੇ ਯਤਨ ਕੀਤੇ ਤਾਂ ਕਿ ਇਸ ਮਸਲੇ ਨੂੰ ਨਜਿੱਠਿਆ ਜਾ ਸਕੇ ਪਰ ਇਹਨਾਂ ਹੰਕਾਰੀ ਲੋਕਾਂ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਬਣਾਈ ਕਮੇਟੀ ਨਾਲ ਰਾਬਤਾ ਕਰਨ ਤੋਂ ਕੋਰੀ ਨਾਂਹ ਕਰ ਦਿੱਤੀ। ਇਸ ਤੋਂ ਇਲਾਵਾ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਸਕੱਤਰੇਤ ਤੋਂ ਇਹਨਾਂ ਕਮੇਟੀ ਮੈਂਬਰਾਂ ਨੂੰ ਸਪੱਸ਼ਟੀਕਰਨ ਦੇਣ ਲਈ ਪੱਤਰ ਵੀ ਜਾਰੀ ਕੀਤੇ ਗਏ ਪਰ ਇਹਨਾਂ ਮਸੰਦਾਂ ਨੇ ਓਹਨਾਂ ਵੱਲੋਂ ਭੇਜੇ ਕਿਸੇ ਵੀ ਪੱਤਰ ਦਾ ਜਵਾਬ ਨਹੀਂ ਦਿੱਤਾ।

ਹੁਣ ਜਿੱਥੇ ਇਹ ਮਸਲਾ ਸ੍ਰੀ ਅਕਾਲ ਤਖ਼ਤ ਸਾਹਿਬ ਜੀ ਦੇ ਵਿਚਾਰ ਅਧੀਨ ਹੈ ਓਥੇ ਹੀ ਡੰਕਨ ਸਾਊਥ ਕੈਰੋਲੀਨਾ ਦੀ ਸੰਗਤ ਅਮਰੀਕਾ ਕਨੇਡਾ ਸਮੇਤ ਵਿਸ਼ਵ ਭਰ ਦੀ ਸੰਗਤ ਤੋਂ ਜਿੱਥੇ ਸਹਿਯੋਗ ਦੀ ਮੰਗ ਕਰਦੀ ਹੈ ਓਥੇ ਹੀ ਅਮਰੀਕਾ ਦੀਆਂ ਵੱਖ ਵੱਖ ਸਟੇਟਾਂ ਤੋਂ ਸਿੱਖ ਸੰਗਤ ਦੇ ਸਹਿਯੋਗ ਨਾਲ ਇਹਨਾਂ ਮਸੰਦਾਂ ਨੂੰ ਪੂਰੀ ਦੁਨੀਆਂ ਵਿੱਚ ਨੰਗੇ ਕਰਨ ਲਈ ਵੱਖ ਵੱਖ ਪੜਾਵਾਂ ਤਹਿਤ ਕੰਮ ਕਰ ਰਹੀ ਹੈ।